GABONETATIK BUELTAN EZ GARA GELDITU !

Arroako Herri Eskolan Gabonetatik bueltan ez gara gelditu. Hainbat ekitalditan parte hartu dugu. Aurrena Donostiako danborrada izan zen. Eskolako ikasle guztiak parte hartu genuen eta beti bezala eskolako zaharrena izan zen zuzendaria. Aurten Gorkari tokatu zaio. Primeran egin zuen eta baita guk ere.

Egun batzuk beranduago Yolanda Arrieta egon zen gurekin. Bere azken ipuina “Oinutsik Jauregian”aurkeztu zigun. Mundiala izan zen. Gero txikien gelara joan zen eta han argazkian ikusten den bezala primeran azaldu zuen ipuinaren mezua.

Eta bukatzeko otsailaren 1ean , goizean, baserriz baserri atera ginen Santa Eskean. Baserri bakoitzean zegokion kopla abestu genuen eta berriro auzora bueltatu ginenean hemengo hainbat lekutan ere abestu genuen: tabernatan, estankoan, Bakunen...

Arratsaldean berriz, ihauteriak ospatu genituen. Aurtengo gaia ZIRKOA izan da. Begira, begira... magoa, domatzailea, animali ikaragarriak, suge hipnotizatzailea, malabaristak, munduko gizonik indartsuenak, Buffallo Bill bera ere gurekin izan zen. Inoiz ikusi ez den zirkua agertu zen Arroa Beheko auzoan. Munduko zirkorik eta pertsonaiarik ospetsuenak etorri ziren.